Еўрапарламент абмяркуе прымяненне смяротнай кары ў Беларусі ў святле прыгавору Канавалаву і Кавалёву

Як паведамляе прэс-служба ЕП, праблему смяротнай кары ў Беларусі еўрадэпутаты будуць абмяркоўваць у святле прыгавору Дзмітрыю Канавалаву і Уладзіславу Кавалёву. Па выніках гадзіннага абмеркавання плануецца прыняць адпаведныя рэзалюцыі па трох названых краінах.

Нагадаем, 30 лістапада 2011 года Вярхоўны суд Беларусі прызнаў 25-гадовых Канавалава і Кавалёва вінаватымі па справе аб тэракце ў мінскім метро 11 красавіка і прыгаварыў да смяротнай кары.

7 снежня Кавалёў падаў прашэнне аб памілаванні. Канавалаў прызнаў прыгавор у дачыненні да сябе законным і адмовіўся падаваць прашэнне аб памілаванні — пра гэта паведаміў журналістам генпракурор Беларусі Аляксандр Канюк.

15 снежня маці і сястра Кавалёва накіравалі паведамленне аб парушэнні права на жыццё ў Камітэт ААН па правах чалавека. У сваю чаргу, камітэт ААН, згодна з працэдурнымі правіламі, звярнуўся да ўладаў Беларусі з просьбай не прыводзіць у выкананне смяротны прыгавор Кавалёву да разгляду скаргі па сутнасці.

Ход суда над Канавалавым і Кавалёвым, а таксама вынесеныя ім прыгаворы выклікалі неадназначную рэакцыю ў беларускім грамадстве і ў чарговы раз прыцягнуў увагу да праблемы смяротнай кары.

Беларусь — адзіная ў Еўропе краіна, дзе дагэтуль прымяняецца такая мера пакарання.