Беларуская інфармацыйная кампанія
Адрас старонкі: http://by.belapan.by/archive/2017/09/12/919684_558963/
Дата раздрукоўкі: 22.11.2017 21:12
12.09.2017 13:28 Эканоміка, Фінансы

Долар зноў падаражэў, еўра і расійскі рубель патаннелі на таргах БВФБ

Мінск, 12 верасня. 12 верасня на таргах Беларускай валютна-фондавай біржы беларускі рубель другі дзень запар зніжаецца да долара ЗША, умацоўваецца — да расійскага рубля і еўра.

Паводле вынікаў таргоў курс еўра знізіўся на 0,0050 рубля (0,22%) і склаў 2,3058 рубля.

Курс долара вырас на 0,0054 рубля (0,28%) да 1,9286 рубля.

Курс расійскага рубля (за 100 адзінак) знізіўся на 0,0016 рубля (0,05%) і склаў 3,3623 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта маркі Brent блізу поўдня аўторка таргавалася ў мінусе ў раёне 53,6 долара ЗША за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, на 11.30 аўторка вырас на 9,62 капейкі, склаўшы 57,2656 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты

Праекты


© 2000 — 2017 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН