Беларуская інфармацыйная кампанія
Адрас старонкі: http://by.belapan.by/site/about/
Дата раздрукоўкі: 28.03.2017 07:22
 

Пра кампанію

Што такое БелаПАН

Беларуская інфармацыйная кампанія БелаПАН з'яўляецца важнейшай крыніцай палітычнай, эканамічнай, дзелавой, фінансавай і іншай інфармацыі з Беларусі, займае сур'ёзнае месца на рынку розных даследаванняў, маніторынгу, рэкламы і PR-паслуг.

Абрэвіятура «БелаПАН» расшыфроўваецца як «Беларускае прыватнае агенцтва навінаў». Від уласнасці — закрытае акцыянернае таварыства, акцыянеры — прыватныя асобы.


Створаная ў 1991 годзе Алесем Ліпаем, кампанія БелаПАН за гады сваёй працы заваявала рэпутацыю незалежнай, дакладнай і аператыўнай крыніцы інфармацыі. Паведамленні БелаПАН публікуюць найбуйныя выданні Беларусі, цытуюць многія сусветныя радыёстанцыі і тэлекампаніі. Сярод нашых кліентаў таксама — дзяржаўныя і міжнародныя арганізацыі, дыпламатычныя прадстаўніцтвы, банкаўскія і фінансавыя інстытуты, прадпрыемствы і кампаніі шмат якіх краін свету.

БелаПАН выпускае навіны на беларускай, рускай і англійскай мовах у рэжыме рэальнага часу. Агенцтва мае разгалінаваную сетку карэспандэнтаў ва ўсіх рэгіёнах Беларусі.

У цэнтры ўвагі БелаПАН:

• знешне- і ўнутрыпалітычныя падзеі ў краіне;

• эканамічныя і фінансавыя складнікі сучаснай Беларусі;

• дзеянні сілавых ведамстваў, дзяржаўная бяспека і правы чалавека;

• падзеі ў сацыяльнай, культурнай, спартыўнай і іншых сферах жыцця беларускага грамадства;

Апрача таго, БелаПАН спецыялізуецца на аператыўнай аналітыцы, вытворчасці галіновых інфармацыйна-аналітычных і даведачных прадуктаў.

У структуры інфармацыйнай кампаніі БелаПАН дзейнічаюць:

• інфармацыйнае агенцтва;

• рэдакцыя мультымедыйных навінаў;

• аналітычная служба;

• рэкламнае агенцтва;

• служба маніторынгу;

• рэдакцыя інтэрнет-газеты «Белорусские новости» ( www.naviny.by )

Прынцыпы дзейнасці БелаПАН

У Беларусі і за мяжой інфармацыйная кампанія БелаПАН вядома як дакладная, аб'ектыўная і аператыўная крыніца інфармацыі аб падзеях у Беларусі.

Два асноўныя прынцыпы, якіх прытрымліваецца БелаПАН у сваёй дзейнасці:

• паведамляць пра ўсе важныя падзеі, незалежна ад таго, па чыёй волі яны адбываюцца;

• падаваць інфармацыю пра падзеі без іх журналісцкай ацэнкі, з каментарамі спецыялістаў і ўсіх зацікаўленых бакоў, прадстаўляючы розныя пункты гледжання на падзеі, не аддаючы перавагі ніводнаму з іх.

БелаПАН атрымлівае інфармацыю непасрэдна з месца падзеі або з першакрыніцы, карыстаецца каментарамі найбольш вядомых экспертаў, палітыкаў, эканамістаў, навукоўцаў і іншых спецыялістаў.

Магчымасці БелаПАН

Інфармацыйная кампанія БелаПАН выпускае больш за 20 інфармацыйных, аналітычных, даведачных і спецыялізаваных прадуктаў, прадастаўляе разнастайныя інфармайцыйныя, деследчыя, рэкламныя і маніторынгавыя паслугі. Больш падрабязна пра гэта – у раздзелах Прадукты і Паслугі .

Прадукты БелаПАН распаўсюджваюцца па платнай падпісцы. Па дадатковую інфармацыю аб умовах падпіскі і атрымання іншых паслуг БелаПАН звяртайцеся ў службу падпіскі .

БелаПАН – кампанія, якая дынамічна развіваецца. З 2000 года мы рэалізуем адмысловы праект «Выбары ў Беларусі», асвятляючы ў рэжыме рэальнага часу ўсе выбарчыя кампаніі і рэферэндумы ў краіне. Сайт праекта: www.belaruselections.info .

З 2002 года БелаПАН выдае інтэрнет-газету «Белорусские новости», якая за кароткі час стала лідэрам рынку анлайнавых выданняў Беларусі. Сайт інтэрнет-газеты: www.naviny.by .

«Белорусские новости» карыстаюцца заслужаным аўтарытэтам сярод рэкламадаўцаў. Азнаёміцца з умовамі размяшчэння рэкламы ў інтэрнет-газеце.

Прызнанне

Дзейнасць інфармацыйнай кампаніі БелаПАН высока ацэньваюць у Беларусі і за мяжой.

У 2004 годзе БелаПАН быў уганараваны прэміяй імя Дзмітрыя Завадскага – «За мужнасць і прафесіяналізм", як "пацвярджэнне бездакорнай рэпутацыі БелаПАН і прызнанне высокага прафесіяналізму журналістаў». 

У 2005 годзе інфармацыйная кампанія БелаПАН была названа лаўрэатам прэміі імя Герда Буцэрыуса "Маладая прэса Усходняй Еўропы".

У 2006 годзе БелаПАН і наша інтэрнет-газета «Белорусские новости» атрымалі «Прэмію Рунета» – у намінацыі «Рунет за межамі Ru».

Цэнтральны офіс інфармацыйнай кампаніі БелаПАН:
вул. Акадэмічная, 17, офіс 3
Мінск, 220012
Рэспубліка Беларусь

Тэлефон: +375 (17) 292-55-01, 292 75 58, 292-56-47
Факс: +375 (17) 292-56-57
E-mail: [email protected]

Афіцыйны сайт:
для беларускіх карыстальнікаў – belapan.by
для небеларускіх карыстальнікаў – belapan.com
Люстэрка сайта: belapan.info

Аўтарызацыя

Імя:
Пароль:

Сюжэты

Праекты


© 2000 — 2017 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН