Беларуская інфармацыйная кампанія
Адрас старонкі: https://by.belapan.by/archive/2013/11/01/659477_by44781/
Дата раздрукоўкі: 28.03.2020 19:53
01.11.2013 09:07 Эканоміка, Грамадства

Бюджэт пражытачнага мінімуму ў Беларусі павышаны на 2,1% да 1 млн. 47 тыс. 530 рублёў

Мінск, 1 лістапада. 1 лістапада бюджэт пражытачнага мінімуму (БПМ) у сярэднім на душу насельніцтва ў Беларусі павышаны да 1 млн. 47 тыс. 530 рублёў, што на 2,1% больш за папярэдні нарматыў (з 1 жніўня па 31 кастрычніка БПМ раўняўся 1 млн. 26 тыс. 290 рублёў). 

Новы БПМ у сярэднім на душу насельніцтва і па асноўных сацыяльна-дэмаграфічных групах у цэнах верасня 2013 года ў разліку на адзін месяц зацверджаны пастановай Савета міністраў № 939 ад 29 кастрычніка 2013 года, паведаміла прэс-служба ўрада.

Для працаздольнага насельніцтва БПМ устаноўлены ў 1 млн. 158 тыс. 520 рублёў, для пенсіянераў — 867 тыс. 80, для дзяцей да трох гадоў — 893 тыс. 970, для дзяцей ад трох да шасці гадоў — 1 млн. 156 тыс. 190, для дзяцей ад шасці да 18 гадоў — 1 млн. 165 тыс. 460, для дзяцей-студэнтаў — 1 млн. 35 тыс. 430 рублёў.

Перыяд дзеяння гэтых сацыяльных нарматываў — з 1 лістапада 2013 года па 31 студзеня 2014 года.

Паколькі БПМ павысіўся на 2,1%, адпаведна з лістапада павялічаны памеры працоўных мінімальных і сацыяльных пенсій, а таксама надбаўкі і павышэнні, устаноўленыя да пенсій асобных катэгорый пенсіянераў. На такую ж велічыню ўзрастуць некаторыя віды дзяржаўных дапамог сем'ям, якія выхоўваюць дзяцей.

Бюджэт пражытачнага мінімуму паквартальна зацвярджаецца ўрадам у цэнах апошняга месяца кожнага квартала. У адпаведнасці з законам "Аб пражытачным мінімуме ў Рэспубліцы Беларусь" БПМ прызначаны для аналізу і прагназавання ўзроўню жыцця насельніцтва, аказання дзяржаўнай сацыяльнай дапамогі малазабяспечаным грамадзянам (сем'ям), абгрунтавання мінімальных дзяржаўных сацыяльна-працоўных гарантый. БПМ уяўляе сабой вартасную велічыню мінімальнага набору матэрыяльных даброт і паслуг, неабходных для забеспячэння жыццядзейнасці чалавека і захавання яго здароўя, а таксама абавязковыя плацяжы і ўзносы.

Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН