Беларуская інфармацыйная кампанія
Адрас старонкі: https://by.belapan.by/archive/2014/08/26/722568_722580/
Дата раздрукоўкі: 20.09.2019 21:21
26.08.2014 16:59 Палітыка

Парашэнка прапаноўвае прыняць яго план мірнага ўрэгулявання

Мінск, 26 жніўня. Прэзідэнт Украіны Пётр Парашэнка на сустрэчы ў Мінску прапанаваў кіраўнікам краін Мытнага саюза і прадстаўнікам Еўрасаюза прыняць яго план мірнага ўрэгулявання.

"Тут вырашаецца лёс свету і Еўропы, — цытуе Парашэнку дзяржаўнае агенцтва БелТА. — Мэта майго прыезду ў Мінск — спыніць кровапраліцце і пачаць працэс пошуку палітычнага кампрамісу".

Украінскі лідар перакананы, што яго мірны план ўрэгулявання сітуацыі ва Украіне застаецца актуальным. Ён звярнуўся да лідараў яшчэ раз "паглядзець гэты план і прыняць яго".

Пётр Парашэнка таксама прапанаваў "дамовіцца аб стварэнні маніторынгавай групы, якая будзе маніторыць рэальны, а не гіпатэтычны магчымы ўрон. "І пасля таго як гэты ўрон будзе зафіксаваны, пагаварыць аб механізмах кампенсацыі або абароны", — сказаў ён.

Прэзідэнт Украіны лічыць магчымым пачаць дыялог аб пераходзе да сістэмы ўзаемнага прызнання сертыфікатаў, узаемнага прызнання заключэння лабараторый для вырашэння фітасанітарных праблем.

Паводле слоў Парашэнкі, гандлёвы абарот Украіны з Мытным саюзам упаў на 30%. "Што з'яўляецца нявыгадным як для Украіны, так і для нашых партнёраў з МС, — заявіў ён. — Ні ў якім выпадку нельга дапусціць далейшых пагаршэнняў умоў гандлю".

Парашэнка асабліва адзначыў, што сёння адаптацыя прававой базы СНД да новых умоў, у тым ліку шляхам заключэння новых сектаральных пагадненняў, напрыклад з мэтай прадухілення нетарыфных бар'ераў у гандлі, з'яўляецца ключавым прыярытэтам.

Прэзідэнт Украіны запрасіў ЕС і Мытны саюз да ўдзелу ў канферэнцыі донараў Украіны восенню 2014 года. "Ужо сёння мы разглядаем варыянты постканфліктнага развіцця рэгіёна (Данбаса), і міжнародная супольнасць заяўляе пра гатоўнасць дапамагчы Украіне ў адпаведных намаганнях. Нашы замежныя партнёры гатовы зрабіць канкрэтныя прапановы падчас міжнароднай донарскай канферэнцыі, якая запланавана на восень гэтага года", — адзначыў Парашэнка.

Арцём Шрайбман, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН