Беларуская інфармацыйная кампанія
Адрас старонкі: https://by.belapan.by/archive/2014/08/26/eu_eu_722431_722435/
Дата раздрукоўкі: 20.09.2019 21:27
26.08.2014 12:14 Палітыка, Беларусь — Eўрасаюз

У Мінск прыбыла кіраўнік еўрапейскай дыпламатыі Кэтрын Эштан

Мінск, 26 жніўня. У Мінск для ўдзелу ў саміце Мытны саюз — Украіна — Еўрасаюз прыбыла вярхоўны прадстаўнік ЕС па замежных справах і палітыцы бяспекі Кэтрын Эштан, еўракамісар па гандлі Карэл дэ Гюхт і прадстаўнік Еўрапейскай службы знешніх дзеянняў Дзірк Шубель.

У нацыянальным аэрапорце Мінск іх сустракалі кіраўнік беларускага прадстаўніцтва Еўрасаюза Майра Мора і намеснік міністра замежных спраў Беларусі Алена Купчына.

Яшчэ адзін удзельнік сённяшніх перамоў — еўракамісар па энергетыцы Гюнтэр Герман Этынгер — павінен прыляцець у 13.15.

З аэрапорта Кэтрын Эштон і Карэл дэ Гюхт адправяцца ў пасольства Украіны ў Мінску, дзе правядуць двухбаковую сустрэчу з украінскім прэзідэнтам Пятром Парашэнкам, паведаміў БелаПАН пасол Украіны ў Беларусі Міхаіл Ежаль.

24 жніўня Эштан, выступаючы на Еўрапейскім палітычным форуме ў аўстрыйскім Альпбаху, заявіла, што сустрэча ў Мінску — гэта "магчымасць, якую нельга выпусціць". Паводле яе меркавання, Украіне неабходна будаваць добрыя адносіны як з краінамі Еўрасаюза, так і з Расіяй. "Гэта ваша краіна, і вы прымаеце рашэнні, выбіраеце сваю будучыню. Вы абралі свайго прэзідэнта і шлях, па якім ісці наперад. Вам патрэбныя добрыя адносіны з еўрапейскімі суседзямі і з Расіяй", — заявіла кіраўнік еўрапейскай дыпламатыі.

25 жніўня на брыфінгу ў Бруселі прэс-сакратар Эштан Мая Качыянчыч падкрэсліла: ЕС разглядае перамовы ў Мінску як магчымасць для абмеркавання ўкраінскага крызісу. Што да самой Беларусі, то пазіцыя ЕС у дачыненні да афіцыйнага Мінска вельмі ясная. "Я маю на ўвазе пазіцыю адносна палітзняволеных", — растлумачыла прэс-сакратар Эштан.

Арцём Шрайбман, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН