Беларуская інфармацыйная кампанія
Адрас старонкі: https://by.belapan.by/archive/2014/09/06/725078_725079/
Дата раздрукоўкі: 10.12.2019 01:01
06.09.2014 22:20 Палітыка, Грамадства

Лукашэнка аб дыктатарстве: Сталін сышоў даўно, іншыя пасыходзілі, а я вось апошнім сыходжу

Мінск, 6 верасня. Прэзідэнт Беларусі Аляксандр Лукашэнка ў інтэрв'ю вядучаму праграмы "Вести в субботу" на тэлеканале "Россия 1" Сяргею Брылёву заявіў, што яго заслугі няма ў арганізацыі перамоў па ўкраінскай праблеме ў Мінску, бо іх ініцыятарамі выступалі іншыя бакі.

"Няма ніякай маёй заслугі, іграць на гэтым, гаварыць, які я вялікі, што мяне "Захад палюбіў". Захад ніколі, напэўна, Лукашэнку не палюбіць. Ніколі. Не, тое, што не палюбіць, гэта дакладна. Але і добразычлівым наўрад ці будзе", — сказаў кіраўнік беларускай дзяржавы.

"А што да апошняга дыктатара Еўропы, дык я журналістам часта кажу, радуйцеся, апошні ж. Ужо не будзе яго, калі апошні. Сталін сышоў даўно, іншыя пасыходзілі, а я вось апошнім сыходжу… У вашу гісторыю, у ваша жыццё гэта ўвойдзе як асобная старонка", — адзначыў Лукашэнка.

"Я 20 гадоў прапрацаваў прэзідэнтам, што мне яшчэ трэба? Мне трэба думаць, як там у цёплым месцы прыперціся, спакойна пасядзець. Я проста стомлены ад гэтага чалавек. Я шукаю дзесьці куток, каб дзесьці ціхенька сесці і адпачыць", — сказаў Лукашэнка.

Ён упэўнены, што Украіна для Беларусі больш, чым Украіна для Расіі. "Расія каласальная, вялікая, а Украіна — вось яна, каля парога, гэта наша Украіна. Я не скрываю, Віктар Юшчанка карані мае знайшоў паміж Чарнігавам і Кіевам. Для мяне гэта вельмі важна, я вельмі добра ведаю Украіну і ўкраінцаў", — прызнаўся прэзідэнт Беларусі.
Вячаслаў Будкевіч, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН