Беларуская інфармацыйная кампанія
Адрас старонкі: https://by.belapan.by/archive/2014/09/11/726165_726166/
Дата раздрукоўкі: 19.09.2019 15:33
11.09.2014 20:36 Палітыка

Масква разлічвае, што кантактная група па Украіне збярэцца на чарговае пасяджэнне "самым найбліжэйшым часам"

Мінск, 11 верасня. Дата наступнага пасяджэння кантактнай групы па Украіне пакуль не вызначана, аднак Масква разлічвае, што бакі збяруцца "самым найбліжэйшым часам", заявіў афіцыйны прадстаўнік МЗС Расіі Аляксандр Лукашэвіч на брыфінгу 11 верасня.

"Дарэчы, дастаткова часта праводзяцца відэаканферэнцыі ў гэтым фармаце, — дадаў Лукашэвіч, словы якога прыводзіць прэс-служба знешнепалітычнага ведамства. — Ёсць неабходнасць абмяркоўваць і дамаўляцца па канкрэтных кірунках і пунктах мінскіх дамоўленасцей ад 5 верасня. Гэта тычыцца выбараў і вельмі важнага элемента, які там зафіксаваны, — працягу агульнанацыянальнага інклюзіўнага дыялогу і вырашэння шэрагу іншых пытаняў, якія павінны атрымаць форму асобных дакументаў. Мяркую, што менавіта такое разуменне прачытваецца з тэкста пратакола ад 5 верасня".

"Праца толькі пачынаецца, і мы, канешне, вельмі зацікаўленыя, каб такія дамоўленасці на паперы дасягаліся і рэалізоўваліся ў поўнай меры. Мы будзем гэтаму ўсяляк садзейнічаць", — заявіў прадстаўнік МЗС РФ.

Ён таксама паведаміў, што ў адпаведнасці з дамоўленасцю прэзідэнтаў Расіі і Украіны 26 жніўня ў Мінску Масква мае намер накіраваць у Луганскую і Данецкую вобласці Украіны ва ўзаемадзеянні з украінскім бокам і Міжнародным Камітэтам Чырвонага Крыжа (МКЧК) другую партыю гуманітарнага грузу, якая ўключае прадукты харчавання, медыкаменты, электрагенерыруючае абсталяванне, рэчавую маёмасць.

"Пры гэтым зыходзім з таго, што дастаўка будзе ажыццёўлена пры ўдзеле супрацоўнікаў пагранічнай і мытнай службащ Украіны, прадстаўнікоў МКЧК, а размеркаванне дапамогі маючым патрэбу будзе праведзена пад эгідай МКЧК. Цяпер узгадняюцца мадальнасці дастаўкі гуманітарнага грузу", — сказаў Лукашэвіч.

Прэс-сакратар МЗС Беларусі Дзмітрый Мірончык на брыфінгу ў чацвер таксама заявіў, што дата наступнай сустрэчы кантактнай групы па Украіне ў Мінску пакуль невядомая. Паводле яго слоў, беларускі бок не аднойчы арганізоўваў сустрэчы групы ў Мінску, але рашэнне аб правядзенні чарговай сустрэчы прымаюць удзельнікі групы.
Дзмітрый Уласаў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН