Беларуская інфармацыйная кампанія
Адрас старонкі: https://by.belapan.by/archive/2014/09/22/728145_728146/
Дата раздрукоўкі: 13.12.2018 01:04
22.09.2014 09:28 Грамадства

Анархісты правялі антываенную акцыю ў Мінску

Мінск, 22 верасня. Напярэдадні "Маршу міру" ў Маскве мінскія анархісты правялі агітрэйд супраць вайны ва Украіне.

Як паведамляецца на сайце "Рэвалюцыйнага дзеяння", у цэнтры горада было расклеена некалькі дзясяткаў плакатаў "з заклікам да ваюючых бакоў накіраваць сваю зброю супраць уласных уладаў і капіталістаў, якія адпраўляюць людзей на бессэнсоўную бойню, каб дагадзіць сваім інтарэсам".

"Гэта вайна вядзецца не за сацыяльныя і класавыя інтарэсы простага народа, а за перадзел уласнасці, павышэнне рэйтынгаў і ўмацаванне аўтарытэту ўладаў усіх проціборствуючых бакоў. Пакуль адны ў цішыні мінскіх кабінетаў дзеляць шахты і заводы, салдаты паміраюць за інтарэсы расійскіх і ўкраінскіх алігархаў. Але нам, простым людзям, няма чаго дзяліць, наш вораг адзін — улада і капітал!" — гаворыцца ў паведамленні.
Вячаслаў Будкевіч, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН