Беларуская інфармацыйная кампанія
Адрас старонкі: https://by.belapan.by/archive/2014/10/27/736305_736306/
Дата раздрукоўкі: 28.01.2021 02:43
27.10.2014 17:11 Палітыка, Грамадства

У Мінску 29 кастрычніка пройдзе чарговае пасяджэнне сумеснай калегіі міністэрстваў абароны Беларусі і Расіі

Мінск, 27 кастрычніка. 29 кастрычніка для ўдзелу ў чарговым пасяджэнні сумеснай калегіі міністэрстваў абароны Беларусі і Расіі ў Беларусь з рабочым візітам прыбудзе міністр абароны РФ генерал арміі Сяргей Шайгу.

Як паведамляе прэс-служба Мінабароны Беларусі, кіраўнікі ваенных ведамстваў дзвюх краін возьмуць удзел у пасяджэнні сумеснай калегіі міністэрстваў абароны, падчас якога будуць разгледжаныя пытанні арганізацыі ваеннай бяспекі Саюзнай дзяржавы. У прыватнасці, на парадку дня будуць пытанні нясення баявога дзяжурства па проціпаветранай абароне і сумеснай ахове знешняй мяжы Саюзнай дзяржавы ў паветранай прасторы, стварэння Адзінай рэгіянальнай сістэмы проціпаветранай абароны Беларусі і Расіі, правядзення мерапрыемстваў сумеснай баявой падрыхтоўкі ў 2015 годзе, узаемадзеяння ў сферы радыёэлектроннай барацьбы, а таксама падрыхтоўкі да святкавання 70-годдзя Перамогі савецкага народа ў Вялікай Айчыннай вайне.

У фармаце "адзін на адзін" з расійскім калегам сустрэнецца міністр абароны Беларусі генерал-лейтэнант Юрый Жадобін.

Праграмай мерапрыемства таксама прадугледжаная сустрэча начальнікаў Генеральных штабоў узброеных сіл дзвюх дзяржаў — генерал-маёра Алега Белаконева і генерала арміі Валерыя Герасімава.

Вячаслаў Будкевіч, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239