Беларуская інфармацыйная кампанія
Адрас старонкі: https://by.belapan.by/archive/2015/02/08/757739_757740/
Дата раздрукоўкі: 19.09.2019 05:52
08.02.2015 16:43 Палітыка

Лукашэнка паабяцаў Парашэнку і Пуціну арганізаваць сустрэчу ў Мінску

Мінск, 8 лютага. Аляксандр Лукашэнка паабяцаў прэзідэнтам Украіны і Расіі Пятру Парашэнку і Уладзіміру Пуціну арганізаваць сустрэчу ў нармандскім фармаце ў Мінску 11 лютага.

Як паведамляе прэс-служба прэзідэнта Беларусі, 8 лютага ў Сочы Лукашэнка сустрэўся з Пуціным. Апошні праінфармаваў беларускага калегу пра тое, што сёння адбылася размова з лідарамі Украіны, Германіі і Францыі ў нармандскім фармаце.

"Мы дамовіліся аб тым, што пастараемся арганізаваць сустрэчу ў такім фармаце ў Мінску. Будзем арыентавацца на сераду, калі да таго часу ўдасца ўзгадніць шэраг пазіцый, якія мы апошнім часам інтэнсіўна абмяркоўвалі", — зазначыў кіраўнік расійскай дзяржавы.

"Я прасіў бы вас дапамагчы нам правесці гэтую сустрэчу так, як вы рабілі гэта раней, ласкава выдзеліўшы пляцоўку для сустрэч на экспертным узроўні", — сказаў Пуцін, звяртаючыся да Лукашэнкі.

"Я ў курсе справы. Пётр Парашэнка патэлефанаваў мне некалькі хвілін таму", — зазначыў у сваю чаргу беларускі кіраўнік.

"Я запэўніваю вас, што дзеля таго, каб было спакойна ў нашым з вамі агульным доме, усё-такі гэта не чужыя нам людзі ў Данецку, Данбасе, ва Украіне, мы будзем у Беларусі  рабіць усё для таго, каб выйсці з той сітуацыі, у якую яны трапілі", — заявіў Лукашэнка.

"Можаце не турбавацца за мерапрыемства ў Мінску, — зазначыў ён. — Мы арганізуем усё, прыязджайце".

Пуцін выказаў удзячнасць Лукашэнку за дзеянні па ўрэгуляванні крызісу ва Украіне, паведамляе прэс-служба.

Кіраўнікі Беларусі і Расіі абмеркавалі таксама пытанні развіцця інтэграцыйных працэсаў, у тым ліку ў межах Саюзнай дзяржавы, ЕАЭС.

Андрэй Серада, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН