Беларуская інфармацыйная кампанія
Адрас старонкі: https://by.belapan.by/archive/2015/05/20/by_media_korot_vid/
Дата раздрукоўкі: 01.04.2020 08:30
20.05.2015 14:56 Відэа, Грамадства

Таццяна Караткевіч: Для мяне перамогай будзе аб'яднанне людзей вакол ідэі мірных перамен

На сайце naviny.by праходзіць анлайн-канферэнцыя з патэнцыяльным кандыдатам у прэзідэнты Таццянай Караткевіч.

Таццяна Караткевіч: "Маё рашэнне ўдзельнічаць у гэтай прэзідэнцкай кампаніі абумоўленае тым, што я давяраю ідэі "Народнага рэферэндуму", над якой мы працавалі больш за два гады. Акрамя таго, для мяне вельмі важна прадстаўляць інтарэсы тых 120 тысяч беларусаў, якія паставілі свае подпісы пад ідэяй "Народнага рэферэндуму", і тых 40% выбаршчыкаў, а гэта больш за 3 мільёны чалавек, якія лічаць, што парламент павінен быў прызначыць народны рэферэндум. І я ўпэўненая, што менавіта ідэя "Народнага рэферэндуму" зможа аб'яднаць беларусаў і вывесці краіну з крызісу.

Адсутнасць выбараў не азначае адсутнасць выбару. У нашых выбаршчыкаў павінен быць выбар. Для мяне перамогай будзе аб'яднанне людзей вакол адной простай ідэі — мірных перамен. Для мяне перамогай будзе тая Беларусь, у якой улада паважае сваіх грамадзян.

Я не буду заклікаць людзей ісці на плошчу, таму што ідэя пратэсту сёння непапулярная ў нашым грамадстве. Але калі людзі ўсё-такі выйдуць на плошчу, то я не застануся ўбаку. Выйду разам з людзьмі і зраблю ўсё, каб прадухіліць магчымыя правакацыі і накіраваць гэты пратэст у мірнае рэчышча".
Відэа Васіля Сямашкі, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН