Беларуская інфармацыйная кампанія
Адрас старонкі: https://by.belapan.by/archive/2015/07/28/791114_791116/
Дата раздрукоўкі: 23.09.2019 10:01
28.07.2015 12:10 Палітыка, Грамадства

Сёння ў Мінску пройдзе пасяджэнне падгрупы па палітычных пытаннях кантактнай групы па Украіне

Мінск, 28 ліпеня. Пасяджэнне падгрупы па палітычных пытаннях трохбаковай кантактнай групы па ўрэгуляванні сітуацыі на паўднёвым усходзе Украіны (Украіна — АБСЕ — Расія) пройдзе 28 ліпеня ў Мінску. Пра гэта паведамляе Луганскі інфармацыйны цэнтр са спасылкай на прадстаўніка самаабвешчанай Луганскай народнай рэспублікі Уладзіслаў Дзяйнега.

Паводле інфармацыі Дзяйнегі, пачатак сустрэчы запланаваны на 13.00. "Пытанні на сустрэчы будуць усё тыя ж: статус ЛНР і ДНР, выбары і канстытуцыйная рэформа", — сказаў ён.

Як паведаміў БелаПАН прэс-сакратар МЗС Беларусі Дзмітрый Мірончык, перамовы плануецца правесці ў "Прэзідэнт-гатэлі".

Нагадаем, у ліпені ўдзельнікі падгрупы па палітычных пытаннях сустракаюцца штотыдзень. Сустрэчы праходзяць у закрытым для прэсы рэжыме, іх змест ніяк не каментуюецца ўдзельнікамі.

Папярэднія перамовы трохбаковай кантактнай групы, а таксама ўсіх чатырох яе падгруп (па эканоміцы, бяспецы, гуманітарных і палітычных пытаннях) адбыліся ў Мінску 21 ліпеня. Бакі ўзгаднілі тэкст дакумента аб адводзе ўзбраенняў калібрам да 100 мм ад лініі сутыкнення на Данбасе, аднак падпісаны ў той дзень ён не быў.

Аляксей Аляксандраў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН