Беларуская інфармацыйная кампанія
Адрас старонкі: https://by.belapan.by/archive/2015/07/28/791235_791237/
Дата раздрукоўкі: 23.09.2019 09:57
28.07.2015 16:22 Палітыка

У Мінску завяршыліся перамовы падгрупы па палітычных пытаннях кантактнай групы па Украіне

Мінск, 28 ліпеня. Пасяджэнне падгрупы па палітычных пытаннях трохбаковай кантактнай групы па ўрэгуляванні сітуацыі на паўднёвым усходзе Украіны (Украіна — АБСЕ — Расія) завяршылася, паведамляе ў "Твітэры" МЗС Беларусі.

Перамовы ў мінскім "Прэзідэнт-гатэлі" традыцыйна праходзілі ў закрытым для прэсы фармаце, якія-небудзь падрабязнасці невядомыя.

Пра вынікі сённяшніх перамоў будзе праінфармаваная трохбаковая кантактная група, паведамляе МЗС.

Нагадаем, у ліпені ўдзельнікі падгрупы па палітычных пытаннях сустракаюцца кожны тыдзень. Папярэднія перамовы трохбаковай кантактнай групы, а таксама ўсіх чатырох яе падгруп (па эканоміцы, бяспецы, гуманітарных і палітычных пытаннях) адбыліся ў Мінску 21 ліпеня. Бакі ўзгаднілі тэкст дакумента аб адводзе узбраенняў калібрам да 100 мм ад лініі сутыкнення ў Данбасе, аднак падпісаны ён не быў.

Аляксей Аляксандраў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН