Беларуская інфармацыйная кампанія
Адрас старонкі: https://by.belapan.by/archive/2015/08/03/792192_792193/
Дата раздрукоўкі: 19.09.2019 05:11
03.08.2015 14:41 Палітыка

У Мінску пачаліся перамовы падгруп кантактнай групы па Украіне

Мінск, 3 жніўня. У Мінску пачаліся пасяджэнні рабочых груп трохбаковай кантактнай групы (Украіна — АБСЕ — Расія) па ўрэгуляванні сітуацыі на паўднёвым усходзе Украіны, паведамляе ў "Твітэры" МЗС Беларусі.

Пасяджэнні ў мінскім "Прэзідэнт-гатэлі" традыцыйна праходзяць у закрытым для прэсы рэжыме. Перамовам у падгрупах папярэднічала сустрэча іх каардынатараў ад АБСЕ.

Нагадаем, мінулым разам кантактная група збіралася ў Мінску 21 ліпеня, абмеркаванню папярэднічалі перамовы ўсіх чатырох падгруп (па эканоміцы, бяспецы, гуманітарных і палітычных пытаннях). Тады бакі ўзгаднілі тэкст дакумента аб адводзе ўзбраенняў калібрам да 100 мм ад лініі сутыкнення ў Данбасе, аднак падпісаны ён не быў.

28 ліпеня ў Мінску адбылося пасяджэнне падгрупы па палітычных пытаннях. Змест перамоў невядомы. МЗС Беларусі толькі паведаміла, што пра вынікі сустрэчы падгрупы будзе паведамлена трохбаковай кантактнай групе.

Аляксей Аляксандраў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН