Беларуская інфармацыйная кампанія
Адрас старонкі: https://by.belapan.by/archive/2015/10/11/806856_806857/
Дата раздрукоўкі: 13.04.2021 19:10
11.10.2015 13:10 Палітыка, Грамадства

Лукашэнка заяўляе пра гатоўнасць да любых рэформаў (дапоўнена)

Мінск, 11 кастрычніка. Аляксандр Лукашэнка гатовы на любыя пераўтварэнні і рэформы. Пра гэта ён заявіў журналістам 11 кастрычніка пасля галасавання на выбарчым участку № 1 у Мінску.

Разам з тым ён заявіў, што не мае намеру адступаць ад свайго галоўнага прынцыпу кіравання дзяржавай. "Усё павінна быць спакойна, без рэвалюцый, асабліва ў эканоміцы, — упэўнены Лукашэнка. — Я гэтую эканоміку не толькі вывучаў ужо ў сталым узросце, але і памацаў рукамі. Эканоміка ніколі не пацерпіць, калі ты яе будзеш ламаць цераз калена".

Кіраўнік дзяржавы адзначыў, што 20 гадоў "ішоў эвалюцыйным шляхам", які калі "не адразу выведзе на вынікі, але не балюча будзе народу".

Лукашэнка заявіў, што "гатовы на любыя мерапрыемствы і любыя рэформы". "Але ці вытрымаеце вы гэта? Ці трэба вам гэта? Гатовы зрабіць так, як хочаце. Ніхто не можа папракнуць мяне, што я дзейнічаў усе гэтыя гады насуперак жаданню народа. Калі дасце карт-бланш на любую ломку і кардынальныя пераўтварэнні, я гэта зраблю. Але лепш ісці эвалюцыйным шляхам", — падкрэсліў ён.

Паводле слоў Лукашэнкі, "любы лідар павінен ісці ўпоравень са сваім народам, апярэджваючы яго толькі на паўкрок".

Таццяна Каравянкова, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239