У Мінску сустракаюцца ўсе чатыры падгрупы кантактнай групы па Украіне

Мінск, 20 студзеня. У Мінску сустракаюцца ўсе чатыры падгрупы кантактнай групы па Украіне: па гуманітарных, палітычных, эканамічных і пытаннях бяспекі, паведамляе ў "Твітэры" МЗС Беларусі.

Раней са спасылкай на прадстаўніка самаабвешчанай Луганскай народнай рэспублікі Уладзіслава Дзяйнегу паведамлялася, што падгрупа па эканоміцы сёння збірацца не будзе.

Перамовы ў "Прэзідэнт-гатэлі" 20 студзеня традыцыйна праходзяць у закрытым для прэсы рэжыме. Чакаецца, што ў другой палове дня пройдзе пасяджэнне уласна кантактнай групы.