Беларуская інфармацыйная кампанія
Адрас старонкі: https://by.belapan.by/archive/2016/07/14/855678_741258/
Дата раздрукоўкі: 03.12.2020 03:46
14.07.2016 14:58 Грамадства

Міліцыя затрымала падчас закладкі тайніка з псіхатропам мінчаніна, які заявіў, што ён журналіст

Мінск, 14 ліпеня. Супрацоўнікі ўпраўлення наркакантролю УУС Мінаблвыканкама затрымалі закладніка псіхатропаў, які назваўся журналістам, паведамляе аддзяленне інфармацыі і грамадскіх сувязяў УУС.

"Затрыманы з доказамі злачынства 34-гадовы мінчанін заявіў міліцыянерам, што з'яўляецца журналістам і займаецца падрыхтоўкай серыі артыкулаў пра жыццё наркаманаў і гандляроў наркотыкамі, чым некалькі іх збянтэжыў. Для большай пераканаўчасці закладнік нават прадэманстраваў міліцыянерам рэдакцыйнае пасведчанне замежнага сродку масавай інфармацыі", — адзначаецца ў паведамленні.

Праваахоўнікам ён расказаў, што ўжо некалькі гадоў займаецца гэтай тэмай, апублікаваў некалькі матэрыялаў і яго мэта — не дапусціць уцягвання моладзі ў злачынны бізнес. Акрамя гэтага, малады чалавек адразу ж выказаў гатоўнасць да супрацоўніцтва і паказаў аператыўным супрацоўнікам, дзе ён яшчэ зрабіў закладкі, — увогуле затрыманы выдаў прыблізна 50 грамаў параметылэфедрону.

"Аднак некаторыя сумневы ў праўдзівасці слоў "журналіста" з'явіліся ў супрацоўнікаў наркакантролю літаральна з першых жа хвілін зносін — паводле знешніх прыкмет было вельмі падобна, што малады чалавек знаходзіцца ў стане наркатычнага ап'янення, з пэўнай доляй скепсісу аператыўнікі паставіліся і да пасведчання журналіста, сапраўднасць якога зараз правяраецца. Падазрэнні ўзмацніліся пасля візіту ў кватэру затрыманага: падчас вобыску там знойдзеныя таблеткі і парашок экстазі, "маркі", электронныя шалі і прыстасаванні для фасоўкі наркотыкаў", — сказана ў паведамленні.

У аддзяленні падкрэслілі, што, паводле інфармацыі Міністэрства замежных спраў, затрыманы не акрэдытаваны ў Беларусі ў якасці прадстаўніка замежнага СМІ.

Распачатая справа на падставе артыкула 328 КК (незаконны абарот наркатычных сродкаў, псіхатропных рэчываў, іх прэкурсораў і аналагаў).
Аляксей Аляксандраў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239