Беларуская інфармацыйная кампанія
Адрас старонкі: https://by.belapan.by/archive/2017/05/02/901279_901280/
Дата раздрукоўкі: 11.11.2019 23:06
02.05.2017 11:07 Грамадства

Пачалася рэгістрацыя на цэнтралізаванае тэставанне

Мінск, 2 мая. 2 мая пачалася рэгістрацыя абітурыентаў для праходжання цэнтралізаванага тэставання, паведаміла Міністэрства адукацыі.

Рэгістрацыя на ЦТ у асноўныя дні будзе праводзіцца па 1 чэрвеня ўключна.

Міністэрства нагадала, што ЦТ у асноўныя дні пройдзе з 12 чэрвеня па 2 ліпеня: беларуская мова — 12 чэрвеня, руская мова — 14 чэрвеня; грамадазнаўства — 16 чэрвеня, матэматыка — 18 чэрвеня, біялогія — 20 чэрвеня; замежная мова (англійская, нямецкая, французская, іспанская, кітайская) — 22 чэрвеня, хімія — 24 чэрвеня, фізіка — 26 чэрвеня, гісторыя Беларусі — 28 чэрвеня, геаграфія — 30 чэрвеня, сусветная гісторыя (найноўшы час) — 2 ліпеня.

Пры гэтым у сувязі з увядзеннем нормы, што дазваляе здачу чатырох ўступных іспытаў у форме ЦТ, не прадугледжаная здача тэставання па двух вучэбных прадметах у адзін дзень.

У рэзервовыя дні ЦТ будзе праводзіцца ў Беларускім дзяржаўным універсітэце.

Зарэгістравацца для праходжання ЦТ у рэзервовыя дні можна з 30 чэрвеня па 3 ліпеня, час працы пунктаў рэгістрацыі — з 9.00 да 19.00, у суботнія дні (13 і 27 мая) — з 9.00 да 18.00.

Час пачатку ЦТ, у тым ліку ў рэзервовыя дні, — 11.00.

Атрымаць сертыфікаты абітурыенты змогуць у пунктах правядзення ЦТ з 10 ліпеня, у БДУ (рэзервовыя дні) — з 13 ліпеня.

Указ прэзідэнта аб зменах правілаў прыёму ў ВНУ і ССНУ быў падпісаны 9 студзеня 2017 года. У ліку асноўных новаўвядзенняў — магчымасць здаваць ЦТ па чатырох вучэбных прадметах, прытым што пры паступленні ў ВНУ неабходна будзе прад'яўляць вынікі трох тэстаў, а таксама павелічэнне тэрміну дзеяння сертыфікатаў ЦТ да двух гадоў і арганізацыя да трох рэзервовых дзён тэставання.
Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН