Беларуская інфармацыйная кампанія
Адрас старонкі: https://by.belapan.by/archive/2017/05/05/901737_123456/
Дата раздрукоўкі: 29.09.2020 10:01
05.05.2017 14:22 Грамадства

Беларускамоўная літаратура займае толькі каля дзясятай долі выпушчанай за год выдавецкай прадукцыі

Мінск, 5 мая. Літаратура на беларускай мове займае 11,7% у агульнай колькасці выпушчанай летась у краіне выдавецкай прадукцыі і 16,2% у яе сукупным тыражы, паведамляе Белстат у справаздачы, апублікаванай да Дня друку, які адзначаецца 5 мая.

На беларускай мове ў 2016 годзе выдадзена 1.122 кнігі і брашуры тыражом за 3,7 млн экземпляраў. У параўнанні з папярэднім годам іх тыраж павялічыўся на 1,6%.

Таксама на беларускай мове былі выдадзеныя 143 часопісы і 181 газета. Іх гадавы тыраж склаў пятую частку агульнага тыражу часопісаў і газет.

На рускай мове летась выдадзена 7,6 тыс. кніг і брашур агульным накладам 17,1 млн экземпляраў, або 79% ад агульнай колькасці выданняў і 74% ад тыражу.

На англійскай мове было выпушчана 600 кніг і брашур, на нямецкай — 79, па-французску — 45. У ліку друкаваных выданняў кнігі на польскай, кітайскай, іспанскай, украінскай, стараславянскай, італьянскай, шведскай, эстонскай, літоўскай, персідскай, японскай і старажытнагрэчаскай мовах .

Сярод рэгіёнаў Беларусі лідарамі па выпуску кніг і брашур ў 2016 годзе сталі Мінск (6,9 тыс. выданняў) і Гомельская вобласць (1,1 тыс. выданняў).

У 2016 годзе ў рэспубліцы было выпушчана 870 часопісаў і іншых перыядычных выданняў, 549 газет (гадавы тыраж — звыш 400 млн. экземпляраў).
Ірына Турчына, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239