Беларуская інфармацыйная кампанія
Адрас старонкі: https://by.belapan.by/archive/2017/05/06/902069_902070/
Дата раздрукоўкі: 09.12.2019 11:43
06.05.2017 17:10 Эканоміка

Украіна падтрымлівае сумесную з Беларуссю ідэю праекта па развіцці суднаходства па Дняпры

Мінск, 6 мая. Украіна падтрымлівае сумесную з Беларуссю ідэю праекта па развіцці суднаходства па Дняпры. Пра гэта было заяўлена 5 мая ў Кіеве на перамовах з дэлегацыяй Міністэрства транспарту і камунікацый Беларусі па развіцці перавозак рачным транспартам, паведаміла прэс-служба Міністэрства інфраструктуры Украіны.

Беларускую дэлегацыю ўзначаліў намеснік міністра Аляксандр Шышко, украінскую — намеснік міністра па пытаннях еўрапейскай інтэграцыі Віктар Доўгань.

Паведамляецца, што Украіна цалкам падтрымлівае ідэю рэалізацыі праекта па развіцці партовай інфраструктуры ў населеным пункце Ніжнія Жары ў Беларусі, які, паводле ацэнкі экспертаў, у перспектыве можа стаць буйным транзітным хабам, які злучыць Еўропу і Азію.

"На сёння актуальным пытаннем супрацоўніцтва з'яўляецца рэалізацыя мер па развіцці суднаходства на рацэ Днепр на ўчастку Ніжнія Жары — Кіеў з мэтай магчымасці праходжання вялікагрузных суднаў, а для гэтага неабходна паглыбіць дно на гэтым участку", — адзначае ўкраінскае ведамства. З гэтай мэтай першачарговым захадам стане "прапрацоўка бакамі сумесна з датычнымі ведамствамі краін экалагічнай ацэнкі ўздзеяння на навакольнае асяроддзе такіх работ". Наступным захадам, у выпадку атрымання станоўчага экалагічнага растлумачэння, павінна стаць вызначэнне крыніц фінансавання, у тым ліку за кошт сродкаў беларускага боку.

У ходзе сустрэчы бакі таксама абмеркавалі перспектывы развіцця воднага шляху Е-40 даўжынёй больш за 2 тысячы кіламетраў, які праходзіць па тэрыторыі Польшчы, Беларусі і Украіны, злучаючы Балтыйскае і Чорнае моры.
Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН