Беларуская інфармацыйная кампанія
Адрас старонкі: https://by.belapan.by/archive/2017/06/09/906971_589632/
Дата раздрукоўкі: 22.02.2020 14:34
09.06.2017 13:38 Эканоміка, Фінансы

Долар ЗША і расійскі рубель падаражэлі перад выхаднымі

Мінск, 9 чэрвеня. 9 чэрвеня на таргах Беларускай валютна-фондавай біржы беларускі рубель знізіўся да долара ЗША і расійскага рубля, вырас — да еўра.

Паводле вынікаў таргоў курс еўра знізіўся на 0,0095 рубля (0,45%) і склаў 2,0985 рубля.

Курс долара ЗША вырас на 0,0025 рубля (0,13%) і склаў 1,8758 рубля.

Курс расійскага рубля (за 100 адзінак) павялічыўся на 0,0029 рубля (0,09%) і склаў 3,2923 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. Цэны на нафту ў пятніцу засталіся на мінімальным узроўні за месяц. Прыкладна ў 13.00 цана на нафту маркі Brent вагалася блізу 48 долараў за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, на 11.30 пятніцы вырас на 1,63 капейкі, склаўшы 57,0020 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН