Расійскі рубель патаннеў на першых таргах тыдня

Мінск, 12 чэрвеня. 12 чэрвеня на таргах Беларускай валютна-фондавай біржы беларускі рубель знізіўся да долара ЗША і еўра, умацаваўся да расійскага рубля.

Па выніках таргоў курс еўра вырас на 0,0038 рубля і склаў 2,1023 рубля.

Курс долара вырас на 0,0001 рубля (0%) і склаў 1,8759 рубля.

Курс расійскага рубля (за 100 адзінак) знізіўся на 0,0077 рубля (0,23%) і склаў 3,2846 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Цэны на нафту спрабуюць стабілізавацца ў пачатку тыдня. Раніцай у панядзелак цана на нафту маркі Brent вагаецца крыху вышэй за 48 долараў за бараль.

У Расіі валютныя таргі 12 чэрвеня не праводзіліся ў сувязі з выхадным днём.