Беларуская інфармацыйная кампанія
Адрас старонкі: https://by.belapan.by/archive/2017/06/16/908028_12345/
Дата раздрукоўкі: 16.10.2019 02:31
16.06.2017 17:37 Грамадства

Лукашэнка: У прэзідэнта Беларусі адпачынку як такога, звычайнага чалавечага, быць не можа

Мінск, 16 чэрвеня. "У прэзідэнта Беларусі адпачынку як такога, звычайнага чалавечага, быць не можа", — заявіў Аляксандр Лукашэнка 16 чэрвеня падчас наведвання Палескага дзяржаўнага радыяцыйна-экалагічнага запаведніка.

Усё ўпіраецца ў Канстытуцыю, адзначыў ён. "У мяне няма віцэ-прэзідэнта, і па Канстытуцыі я свае паўнамоцтвы нікому не магу перадаць", — растлумачыў Лукашэнка.

Паводле слоў кіраўніка дзяржавы, нават з'язджаючы на некалькі дзён, напрыклад у Сочы, ён падтрымлівае пастаянны кантакт з радзімай, удзельнічае ў вырашэнні важных пытанняў.

Што тычыцца адпачынку, то ён не абавязкова павінен быць звязаны з паездкай на мора, лічыць Лукашэнка. "Па-першае, я не люблю цёплае надвор'е. Наогул цярпець не магу. Адпачынак — гэта змена абстаноўкі і роду заняткаў. Калі ты сёння гуляеш у хакей, заўтра сячэш дровы, а паслязаўтра косіш траву, бегаеш на лыжаролерах і гэтак далей — гэта і ёсць адпачынак для мяне. Я цярпець не магу ляжаць на пляжы і загараць. Для мяне гэта непрымальна", — цытуе Лукашэнку прэс-служба прэзідэнта.
БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН