Беларуская інфармацыйная кампанія
Адрас старонкі: https://by.belapan.by/archive/2017/06/27/eu_eu_909551_909552/
Дата раздрукоўкі: 07.06.2020 01:51
27.06.2017 20:03 Палітыка, Беларусь — Eўрасаюз

Алена Купчына і Крысцін Мутонен абмеркавалі падрыхтоўку мінскай сесіі ПА АБСЕ

Мінск, 27 чэрвеня. 27 чэрвеня ў Нацыянальным савеце Аўстрыі адбылася сустрэча пасла Беларусі ў Аўстрыйскай Рэспубліцы Алены Купчыной са старшынёй Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ), намеснікам кіраўніка аўстрыйскай дэлегацыі ў ПА АБСЕ, членам аўстрыйскай дэлегацыі ў Парламенцкай асамблеі Савета Еўропы (ПАСЕ) Крысцін Мутонен.

Як паведамляе прэс-служба беларускага МЗС, падчас сустрэчы бакі абмеркавалі падрыхтоўку 26-й штогадовай сесіі ПА АБСЕ, якая адбудзецца ў ліпені 2017 года ў Мінску, і арганізацыю візіту Мутонен у Беларусь для ўдзелу ў форуме.

Адбыўся таксама абмен думкамі па шэрагу актуальных пытанняў рэгіянальнага парадку дня і ўзаемадзеяння Беларусі з Еўрапейскім саюзам.

Сесія ПА АБСЕ пройдзе ў Мінску з 5 па 9 ліпеня. Плануецца, што ў сесіі прымуць удзел каля 700 дэлегатаў з 57 дзяржаў.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239