Беларуская інфармацыйная кампанія
Адрас старонкі: https://by.belapan.by/archive/2017/08/22/916674_12345/
Дата раздрукоўкі: 24.10.2020 14:54
22.08.2017 13:27 Эканоміка, Фінансы

Беларускі рубель умацаваўся да долара ЗША і расійскага рубля

Мінск, 22 жніўня. 22 жніўня на таргах Беларускай валютна-фондавай біржы беларускі рубель умацаваў пазіцыі ў адносінах да долара ЗША і расійскага рубля.

Па выніках таргоў курс еўра вырас на 0,005 рубля (0,22%) і склаў 2,2749 рубля.

Курс долара знізіўся на 0,0036 рубля (0,19%) і склаў 1,9303 рубля.

Курс расійскага рубля (за 100 адзінак) знізіўся на 0,0012 рубля (0,04%) і склаў 3,2684 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якой удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. У панядзелак нафта патаннела ўпершыню за тры апошнія сесіі на фоне асцярог аб глабальнай перавытворчасці. Раніцай у аўторак пачаўся невялікі рост — нафта маркі Brent гандлюецца ў раёне 52 долараў ЗША за бараль.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 аўторка знізіўся на 10,13 капейкі, склаўшы 59,0396 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239