Беларуская інфармацыйная кампанія
Адрас старонкі: https://by.belapan.by/archive/2017/10/06/923619_123456/
Дата раздрукоўкі: 07.12.2019 15:37
06.10.2017 10:38 Грамадства

Зніклы ў Свіслацкім раёне 10-гадовы Максім Мархалюк абвешчаны ў міжнародны вышук

Мінск, 6 кастрычніка. Зніклы 16 верасня жыхар вёскі Новы Двор Свіслацкага раёна Гродзенскай вобласці 10-гадовы Максім Мархалюк абвешчаны ў міжнародны вышук. Пра гэта БелаПАН паведаміў начальнік аддзела інфармацыі і сувязяў з грамадскасцю Следчага камітэта Беларусі Сяргей Кабаковіч.

Паводле яго слоў, крымінальная справа аб знікненні хлопчыка зараз знаходзіцца ў вытворчасці ўпраўлення СК па Гродзенскай вобласці. Адпрацоўваюцца ўсе версіі знікнення дзіцяці.

Максім Мархалюк знік у Белавежскай пушчы ўвечары 16 верасня. Праз 10 дзён па факце яго знікнення следчыя органы распачалі крымінальную справу ў адпаведнасці з п. 2 арт. 167 Крымінальна-працэсуальнага кодэкса.

У самай маштабнай за гісторыю краіны пошукавай аперацыі зараз удзельнічаюць прафесіяналы. Раней у некаторыя дні ў пошуках было задзейнічана прыкладна дзве тысячы чалавек. Выкарыстоўваліся авіяцыя і беспілотныя лятальныя апараты.

Паводле інфармацыі УУС Гродзенскага аблвыканкама, 6 кастрычніка ў пошукава-выратавальнай аперацыі прымаюць удзел супрацоўнікі міліцыі з Свіслацкага, Слонімскага, Зельвінскага, Мастоўскага РАУС. Актыўны ўдзел прымаюць вайскоўцы ўнутраных войскаў і супрацоўнікі МНС. Сёння будзе прадоўжана абследаванне мясцін, дзе найбольш цяжка прайсці, а таксама забалочаных.
Вячаслаў Будкевіч, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН