Беларуская інфармацыйная кампанія
Адрас старонкі: https://by.belapan.by/archive/2017/10/14/924960_12345/
Дата раздрукоўкі: 19.09.2018 21:24
14.10.2017 15:00 Грамадства

Лукашэнка павіншаваў суайчынніц з Днём маці

Мінск, 14 кастрычніка. Сям'я і мацярынства з'яўляюцца прыярытэтамі сацыяльнай палітыкі Беларусі. Пра гэта гаворыцца ў віншаванні Аляксандра Лукашэнкі суайчынніцам з Днём маці, які штогод адзначаецца 14 кастрычніка.

"Дзень маці — гэта не толькі даніна глыбокай павагі і любові да тых, хто падарыў жыццё. Гэта прызнанне на дзяржаўным узроўні найважнейшай ролі жанчыны ў развіцці грамадства, пацвярджэнне таго, што сям'я і мацярынства з'яўляюцца прыярытэтамі сацыяльнай палітыкі краіны", — падкрэсліў Лукашэнка.

"Для кожнага чалавека няма на свеце нікога больш блізкага і роднага, чым жанчына, якая падарыла яму жыццё. Слова "мама" неаддзельнае ад такіх паняццяў, як свет, сям'я, Радзіма, усяго таго, што мае для людзей найвышэйшую каштоўнасць. Менавіта матчына любоў была і застаецца надзейнай, магутнай сілай, апорай духоўнасці, высокай маральнасці, грамадзянскасці і патрыятызму", — адзначаецца ў віншаванні.
БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН