Беларуская інфармацыйная кампанія
Адрас старонкі: https://by.belapan.by/archive/2017/10/18/925453_147859/
Дата раздрукоўкі: 22.06.2018 02:39
18.10.2017 10:31 Фінансы

Нацбанк створыць цэнтр маніторынгу і процідзеяння камп'ютарным атакам у крэдытна-фінансавай сферы

Мінск, 18 кастрычніка. Нацбанк створыць цэнтр маніторынгу і процідзеяння камп'ютарным атакам у крэдытна-фінансавай сферы, паведаміў старшыня праўлення Нацыянальнага банка Беларусі Павел Калаур, выступаючы 18 кастрычніка на адкрыцці міжнароднага форуму па банкаўскіх інфармацыйных тэхналогіях "БанкІТ-2017" у Мінску.
"Мы не застаемся ў баку ад пытанняў інфармацыйнай бяспекі ў крэдытна-фінансавай сферы, — падкрэсліў Калаур. — Цяпер намі рэалізуецца праект па стварэнні цэнтра маніторынгу і процідзеяння камп'ютарным атакам у крэдытна-фінансавай сферы пад працоўнай назвай FinCert. Як паказвае міжнародная практыка, яго стварэнне будзе садзейнічаць зніжэнню шкоды ад злачынстваў у крэдытна-фінансавай сферы, дазволіць прымаць прэвентыўныя меры, скіраваныя на процідзеянне пагрозам інфармацыйнай бяспецы, якія развіваюцца, ў нашай краіне".

Паводле слоў Калаура, цэнтр маніторынгу ствараецца як падраздзяленне Нацбанка і будзе з'яўляцца новай структурай для фінансавага сектара Беларусі.

"Відавочна, што перад лічбавымі тэхналогіямі вялікая і шматгранная будучыня. У гэтым плане Нацыянальны банк працягне практыку стварэння прававой, метадалагічнай і тэхналагічнай базы для лічбавай трансфармацыі банкаўскай сферы. Мы адкрытыя для абмеркавання любых прапаноў аб ўкараненні ў банкаўскую практыку інавацыйных тэхналогій", — падкрэсліў кіраўнік Нацбанка.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты

Праекты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН