Беларуская інфармацыйная кампанія
Адрас старонкі: https://by.belapan.by/archive/2017/10/27/926955_123456/
Дата раздрукоўкі: 28.05.2020 22:13
27.10.2017 13:35 Эканоміка, Фінансы

Долар ЗША прадоўжыў рост, еўра патаннеў больш чым на 2 капейкі

Мінск, 27 кастрычніка. 27 кастрычніка на таргах Беларускай валютна-фондавай біржы беларускі рубель знізіўся да долара ЗША і расійскага рубля, але прыкметна ўмацаваўся да еўра.

Па выніках таргоў курс еўра знізіўся на 0,023 рубля (0,99%) і склаў 2,2935 рубля.

Курс долара вырас на 0,0133 рубля (0,68%) і склаў 1,9734 рубля.

Курс расійскага рубля (за 100 адзінак) вырас на 0,0021 рубля (0,06%) і склаў 3,3967 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якой удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Цэны на нафту перавышаюць 59 долараў за барэль Brent. На пазітыўную дынаміку паўплывалі Саудаўская Аравія заявай, што падтрымае працяг глабальнага пакта аб абмежаванні здабычы сыравіны дзеля стабілізацыі рынку нафты.

У Расіі рубель раніцай пятніцы таннее да долара ЗША на фоне тэндэнцый форэкса, дзе амерыканская валюта прыкметна ўмацавалася. Сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, на 11.30 пятніцы вырас на 31,90 капейкі, склаўшы 58,0833 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239