Беларуская інфармацыйная кампанія
Адрас старонкі: https://by.belapan.by/archive/2017/12/26/935527_228103/
Дата раздрукоўкі: 02.12.2020 10:01
26.12.2017 10:51 Эканоміка

Мінскі маторны завод заявіў пра гатоўнасць да абавязковага ўвядзення ў Расіі экалагічнага класа Еўра-5

Мінск, 26 снежня. Мінскі маторны завод заявіў пра гатоўнасць да абавязковага ўвядзення з новага года ў Расіі класа Еўра-5.

1 студзеня 2018 года ў Расійскай Федэрацыі ўваходзяць у сілу патрабаванні экалагічнага класа Еўра-5 для грузавікоў, аўтобусаў і пазадарожнікаў. Патрабаванні да экалагічнай класа транспартных сродкаў прапісаныя ў тэхнічным рэгламенце Мытнага саюза. Згодна з дакументам стандарты Еўра-5 для легкавых аўтамабіляў у Расіі набылі моц 1 студзеня 2016 года. Для грузавікоў, аўтобусаў і легкавых аўтамабіляў павышанай праходнасці дзеянне стандарту Еўра-4 было працягнутае да 31 снежня 2017 года.

Як адзначылі на ММЗ, дызельныя рухавікі грузавікоў, аўтобусаў і іншай цяжкай тэхнікі патрабуюць складаных і дарагіх сістэм нейтралізацыі выхлапных газаў для забеспячэння экалагічных нормаў Еўра-5.

На Мінскім маторным заводзе наладжаная серыйная вытворчасць чатырохцыліндравых рухавікоў узроўню Еўра-5 з сістэмай электроннага кіравання палівападачай Common Rail і сістэмай селектыўнай каталітычнай нейтралізацыі адпрацаваных газаў (SCR), якая ўстанаўліваецца на аўтамабілі. Рухавікі маюць магутнасць 177 л. с. пры намінальнай частаце кручэння 2.200 аб/хв. На гэтыя маторы своечасова атрыманы сертыфікат Мытнага саюза тэрмінам дзеяння да 15 жніўня 2020 года.

З чэрвеня 2016 года ажыццяўляюцца серыйныя пастаўкі такіх рухавікоў на ААТ "МАЗ" для камплектацыі аўтамабіляў. Маторы ўжо абкатаныя ў працэсе вытворчасці і адпавядаюць усім тэхнічным характарыстыкам еўрастандарту.

Мінскім маторным заводам выраблены і перададзены на МАЗ шасціцыліндравы рухавік узроўню Еўра-5 магутнасцю 270/330/360 л. с. пры частаце кручэння 2.100 аб/хв з сістэмамі Common Rail і SCR. Ён усталяваны на аўтамабіль "МАЗ-5550" і праходзіць выпрабаванні. Таксама вырабленыя і перададзеныя для выпрабаванняў два іншыя дызельныя рухавікі, прызначаныя для ўстаноўкі на аўтамабілі сямейства "МАЗ-6430" масай да 48 і 52 т адпаведна. Маторы сертыфікаваныя на адпаведнасць тэхрэгламенту МС "Аб бяспецы колавых транспартных сродкаў".

Распрацаваныя рухавікі ўзроўню Еўра-5 для ААТ "ПАЗ" і ААТ "ГАЗ". На іх атрыманыя сертыфікаты Мытнага саюза, дзейныя да ліпеня 2019 года. Першы матор магутнасцю 136 л. с. пры 2.200 аб/хв абсталяваны сістэмай Common Rail, сістэмай рэцыркуляцыі адпрацаваных газаў (EGR) і сажавым фільтрам, які ўстанаўліваюцца на аўтобус. Для ААТ "ГАЗ" распрацаваны рухавік магутнасцю 130 л. с. пры 2.200 аб/хв, на якім прыменены аналагічны папярэдняму спосаб дасягнення нормаў Еўра-5.
Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239