У выніку пажару пашкоджаны будынак, дзе месціцца шаркаўшчынская раённая газета

Мінск, 12 студзеня. Пажар пашкодзіў дах адміністрацыйнага будынка плошчай 12 на 15 метраў па вуліцы Чырванадворскай, 6а, у Шаркаўшчыне, паведаміла Віцебскае абласное ўпраўленне МНС.

Здарэнне мела месца 11 студзеня ў 8.51. Прычына ўзгарання высвятляецца. Падрабязнасці пакуль невядомыя.

Па гэтым адрасе размяшчаецца раённая газета "Кліч Радзімы".