Беларуская інфармацыйная кампанія
Адрас старонкі: https://by.belapan.by/archive/2018/01/15/937928_12345/
Дата раздрукоўкі: 31.05.2020 11:39
15.01.2018 13:45 Эканоміка, Фінансы

Курс долара апусціўся ніжэй за два рублі на першых таргах тыдня

Мінск, 15 студзеня. 15 студзеня на таргах Беларускай валютна-фондавай біржы беларускі рубель вырас да долара ЗША і расійскага рубля, знізіўся да еўра.

Па выніках таргоў курс еўра вырас на 0,0172 рубля (0,71%) і склаў 2,4374 рубля.

Курс долара ЗША знізіўся на 0,0093 рубля (0,46%) і склаў 1,9955 рубля.

Курс расійскага рубля вырас на 0,0021 рубля (0,06%) і склаў 3,5403 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. У сераду цэны на нафту выраслі да максімумаў за тры гады перад публікацыяй звестак аб запасах у ЗША. Ф'ючарсы на бараль Brent гандлююцца вышэй за 69 долараў.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 панядзелка знізіўся на 24,50 капейкі, склаўшы 56,3569 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239