Беларуская інфармацыйная кампанія
Адрас старонкі: https://by.belapan.by/archive/2018/01/18/938518_12345/
Дата раздрукоўкі: 28.05.2020 07:42
18.01.2018 16:35 Грамадства

Каля 7 тысяч чалавек падпісаліся пад петыцыяй з патрабаваннем забараніць будаўніцтва жылога комплексу ўнутры Дзіцячай чыгункі ў Мінску

Мінск, 18 студзеня. Каля сямі тысяч чалавек падпісалася пад петыцыяй з патрабаваннем забараніць будаўніцтва жылога комплексу "Парк Чалюскінцаў" унутры кола Дзіцячай чыгункі ў Мінску.

Як адзначае аўтар петыцыі, размешчанай на сайце change.org, Людміла Лісоўская, "катацца на Дзіцячай чыгунцы вакол 12-15-павярховага дома — гэта здзек з дзяцей".

На яе думку, "неабходна захаваць гэтую маленькую ўнікальную чыгунку, такую спадчыну трэба развіваць, а не знішчаць".

Аўтар петыцыі лічыць, што калі і будаваць нешта на гэтым месцы, то лепей пазнавальны музей для дзяцей. Таксама аргументам супраць будаўніцтва вышыннага жылога комплексу выступае тое, што яго архітэктура знявечыць праспект Незалежнасці. "Такая вышыннасці недапушчальная ззаду будынка станцыі Заслонава, спраектаванага архітэктарам Заборскім у неакласічным стылі ў 1955 годзе", — лічыць ініцыятар кампаніі.

Лісоўская нагадала, што ў снежні 2016 года міжнародныя эксперты выказалі сур`ёзную заклапочанасць захаванасцю праспекта Незалежнасці і прапанавалі ўнесці яго ў Спіс сусветнай спадчыны ЮНЕСКА.

Плануецца, што пасля збору подпісаў петыцыя будзе накіраваная ў Адміністрацыю прэзідэнта, Міністэрства архітэктуры і будаўніцтва, Камітэт архітэктуры і горадабудаўніцтва Мінгарвыканкама.
Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239