Беларуская інфармацыйная кампанія
Адрас старонкі: https://by.belapan.by/archive/2018/01/31/940568_12345/
Дата раздрукоўкі: 07.08.2020 18:09
31.01.2018 11:30 Эканоміка, Грамадства

У Беларусі зацверджаныя новыя памеры мінімальнага спажывецкага бюджэту

Мінск, 31 студзеня. У Беларусі зацверджаныя новыя памеры мінімальнага спажывецкага бюджэту (БМП), якія будуць дзейнічаць з 1 лютага па 30 красавіка 2018 года.
 
Згодна з пастановай Міністэрства працы і сацыяльнай абароны № 8 ад 24 студзеня, апублікаванай на Нацыянальным прававым інтэрнэт-партале, БПМ у сярэднім на душу насельніцтва павялічыцца на 4 рублі 80 капеек.

Так, на наступныя тры месяцы ўстаноўлены наступны МСБ для розных сацыяльна-дэмаграфічных груп у сярэднім на душу насельніцтва і на аднаго члена сям'і: працаздольнае насельніцтва — 420,6 рубля; пенсіянеры — 331,82 рубля; студэнты — 313,91 рубля; дзеці да трох гадоў — 266,56 рубля; дзеці ад трох да шасці гадоў — 348,44 рубля; дзеці ад шасці да васямнаццаці гадоў — 358,7 рубля; сям'я з чатырох чалавек — 328,45 рубля; маладая сям'я з трох чалавек — 356,1 рубля.

Пастанова набывае моц пасля яе афіцыйнага апублікавання.

Мінімальны спажывецкі бюджэт уяўляе сабой расходы на набыццё набору спажывецкіх тавараў і паслуг для задавальнення асноўных фізіялагічных і сацыяльна-культурных патрэбаў чалавека. Сярэднедушавы мінімальны спажывецкі бюджэт зацвярджаецца штоквартальна пастановай Мінпрацы і сацабароны ў цэнах апошняга месяца квартала для шасці сацыяльна-дэмаграфічных груп насельніцтва і двух відаў сем'яў рознага складу.

Мінімальны спажывецкі бюджэт прымяняецца як сацыяльны нарматыў для прагназавання змяненняў узроўню жыцця насельніцтва і ўзмацнення сацыяльнай падтрымкі маламаёмных грамадзян.

Сярэднедушавы МСБ сям'і з чатырох чалавек служыць асновай для вызначэння права грамадзян на атрыманне льготных крэдытаў і субсідый на будаўніцтва (рэканструкцыю) або набыццё жылых памяшканняў; грамадзян, якія пастаянна пражываюць і працуюць у населеных пунктах з колькасцю насельніцтва да 20 тыс. чалавек, — ільготных крэдытаў на капітальны рамонт і рэканструкцыю жылых памяшканняў, будаўніцтва інжынерных сетак, узвядзенне гаспадарчых памяшканняў і пабудоў.
Ірына Турчына, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239