Беларуская інфармацыйная кампанія
Адрас старонкі: https://by.belapan.by/archive/2018/02/01/940871_940872/
Дата раздрукоўкі: 03.06.2020 16:34
01.02.2018 14:05 Эканоміка, Фінансы

Беларускі рубель умацаваўся да трох асноўных валют на першых таргах лютага

Мінск, 1 лютага. 1 лютага на таргах Беларускай валютна-фондавай біржы беларускі рубель умацаваўся да долара ЗША, еўра і расійскага рубля.

Па выніках таргоў курс еўра знізіўся на 0,0111 рубля (0,45%) і склаў 2,4507 рубля.

Курс долара ЗША знізіўся на 0,0047 рубля (0,24%) і склаў 1,9756 рубля.

Курс расійскага рубля знізіўся на 0,0139 рубля (0,39%) і склаў 3,5114 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта нязначна падаражэла дзякуючы зніжэнню запасаў нафтапрадуктаў у ЗША. Бягучыя каціроўкі знаходзяцца вышэй за адзнаку 69 долараў ЗША за бараль Brent.

У Расіі сярэдняўзважаны курс долара да рубля разлікамі "заўтра" на адзінай тарговай сесіі ММВБ, па якім усталёўваецца афіцыйны курс Цэнтрабанка, на 11.30 чацвярга вырас на 7,73 капейкі, склаўшы 56,2613 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239