Беларуская інфармацыйная кампанія
Адрас старонкі: https://by.belapan.by/archive/2018/02/02/941079_445632/
Дата раздрукоўкі: 26.05.2019 10:28
02.02.2018 13:32 Эканоміка, Фінансы

Еўра і расійскі рубель падаражэлі, долар патаннеў на таргах БВФБ

Мінск, 2 лютага. 2 лютага на таргах Беларускай валютна-фондавай біржы беларускі рубель умацаваўся да долара ЗША, аслабеў — да еўра і расійскага рубля. Курс амерыканскай валюты падае трэція таргі запар, а еўра дасягнуў амаль двухгадовага максімуму.

Паводле вынікаў таргоў курс еўра вырас на 0,0160 рубля (0,65%) і склаў 2,4667 рубля.

Курс долара ЗША знізіўся на 0,0012 рубля (0,06%) да 1,9744 рубля.

Курс расійскага рубля вырас на 0,0080 рубля (0,23%) і склаў 3,5194 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. На нафтавым рынку сёння каціроўкі ў плюсе з пачатку дня, і бараль Brent ацэньваецца ў 69,80 даляра.

У Расіі сярэднеўзважаны курс долара ЗША да расійскага рубля з тэрмінам разлікаў "заўтра" на 11.30 на таргах Маскоўскай біржы панізіўся на 19,03 капейкі ў параўнанні з сярэднеўзважаным курсам папярэдняга гандлёвага дня і склаў 56,0408 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН