Беларуская інфармацыйная кампанія
Адрас старонкі: https://by.belapan.by/archive/2018/02/03/941218_941219/
Дата раздрукоўкі: 14.07.2020 02:46
03.02.2018 10:18 Эканоміка

Падпісаны ўказ прэзідэнта па ўдасканаленні дзяржаўнай палітыкі ў аграрнай сферы

Мінск, 3 лютага. Аляксандр Лукашэнка 2 лютага падпісаў указ № 50, якім удасканальваецца дзяржаўная палітыка ў аграрнай сферы, паведамляе прэс-служба прэзідэнта.

Дакумент уносіць змяненні ва ўказ ад 17 ліпеня 2014 года № 347 "Аб дзяржаўнай аграрнай палітыцы", дапаўняючы яго пералікамі мерапрыемстваў у аграпрамысловым комплексе, якія могуць фінансавацца за кошт рэспубліканскага і (або) мясцовых бюджэтаў. Гэтыя пералікі да цяперашняга часу штогод вызначаліся дадаткамі да закона аб рэспубліканскім бюджэце на чарговы фінансавы год.

Міністэрству сельскай гаспадаркі і харчавання (па ўзгадненні з Міністэрствам фінансаў) і аблвыканкамам даецца права зацвярджаць парадкі выкарыстання бюджэтных сродкаў у межах фінансавання дзяржаўных праграм у аграпрамысловым комплексе не на адзін год, а на працягу ўсяго тэрміну іх рэалізацыі.

Аблсельгасхарчы і райсельгасхарчы атрымалі права як выканаўцы мерапрыемстваў дзяржаўных праграм развіцця аграпрамысловага комплексу фінансаваць за кошт сродкаў рэспубліканскага бюджэту даплаты да заработнай платы маладым спецыялістам, выплаты надбавак да цэн на сельскагаспадарчую прадукцыю, якая закупляецца ў насельніцтва, выплаты страхавых узносаў па дагаворах абавязковага страхавання з дзяржаўнай падтрымкай ураджаю сельгаскультур, жывёлы і птушкі.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239