Беларуская інфармацыйная кампанія
Адрас старонкі: https://by.belapan.by/archive/2018/02/15/943111_558746/
Дата раздрукоўкі: 23.08.2019 01:14
15.02.2018 19:46 Грамадства

Правераная гатоўнасць авіяцыі і СПА Беларусі і Расіі да абароны заходняй мяжы Саюзнай дзяржавы

Мінск, 15 лютага. 15 лютага ў ВПС і войсках СПА Узброеных сіл Беларусі завяршылася сумесная штабная трэніроўка, у якой удзельнічала аператыўная група 6-й арміі ВПС і СПА Заходняй акругі Узброеных сіл РФ.

Як паведамляе Міністэрства абароны Беларусі, трэніроўка прайшла пад кіраўніцтвам камандуючага ВПС і войскамі СПА генерал-маёра Ігара Голуба.

Адпрацаваныя пытанні планавання прымянення ВПС і войскаў СПА ў абарончай аперацыі рэгіянальнай групоўкі войскаў (РГВ), перабазавання авіяцыі паветрана-касмічных сіл РФ на беларускія аэрадромы, кіравання падначаленымі злучэннямі і воінскімі часцямі, якія ўваходзяць у склад адзінай рэгіянальнай сістэмы СПА, а таксама аховы заходняй мяжы Саюзнай дзяржавы ў паветранай прасторы ў межах удзелу ў абарончай аперацыі РГВ.

"Падчас планавання прымянення вайсковай групоўкі быў улічаны вопыт расійскіх вайскоўцаў, якія ўдзельнічалі ў баявых дзеяннях на тэрыторыі Сірыйскай Арабскай Рэспублікі", — гаворыцца ў паведамленні Мінабароны.
Вячаслаў Будкевіч, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН