Беларуская інфармацыйная кампанія
Адрас старонкі: https://by.belapan.by/archive/2018/02/16/943202_445878/
Дата раздрукоўкі: 24.09.2020 01:16
16.02.2018 13:57 Эканоміка, Фінансы

Курс долара ЗША знізіўся да мінімуму апошніх некалькіх месяцаў

Мінск, 16 лютага. 16 лютага на таргах Беларускай валютна-фондавай біржы беларускі рубель умацаваўся да долара ЗША, еўра і расійскага рубля. Пры гэтым курс амерыканскай валюты апусціўся да мінімальнага значэння за апошнія больш як тры месяцы.

Паводле вынікаў таргоў курс еўра знізіўся на 0,0075 рубля (0,3%) і склаў 2,4557 рубля.

Курс долара ЗША ўпаў на 0,0117 рубля (0,59%) да 1,9600 рубля.

Курс расійскага рубля знізіўся на 0,0043 рубля (0,12%) і склаў 3,4788 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. У пятніцу цэны на нафту павысіліся дзякуючы зніжэнню курсу долара ЗША на міжнародных рынках і прагнозам аб скарачэнні здабычы нафты ў свеце. Марка Brent таргуецца блізу 64,5 долара за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, на 11.30 пятніцы знізіўся на 23,64 капейкі, склаўшы 56,3554 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239