Беларуская інфармацыйная кампанія
Адрас старонкі: https://by.belapan.by/archive/2018/03/14/946794_12345/
Дата раздрукоўкі: 22.06.2018 02:25
14.03.2018 12:52 Эканоміка

Колькасць рэзідэнтаў Парку высокіх тэхналогій за дзень вырасла на чвэрць

Мінск, 14 сакавіка. Наглядальны савет Парку высокіх тэхналогій 13 сакавіка прыняў рашэнне аб рэгістрацыі ў якасці рэзідэнтаў ПВТ адразу 46 новых кампаній.

Як адзначаюць у адміністрацыі ПВТ, за больш чым 10-гадовую гісторыю ПВТ такі істотны аднамомантавы прырост — са 192 да 238 рэзідэнтаў, гэта значыць адразу на чвэрць, — адбыўся ўпершыню. Прычынай імклівага росту парку стала падпісанне ў снежні 2017 года прэзідэнтам дэкрэта № 8 "Аб развіцці лічбавай эканомікі".

Прасочваецца тэндэнцыя росту колькасці прадуктовых кампаній: восем новых рэзідэнтаў сканцэнтраваныя на стварэнні ўласных прадуктаў, а 21 — рэалізуе змешаную бізнес-мадэль, якая спалучае стварэнне ўласных прадуктаў з распрацоўкай праграмнага забеспячэння на заказ.

Як адзначаюць у ПВТ, новыя рэзідэнты ахопліваюць высока запатрабаваныя на рынку напрамкі дзейнасці і тэхналогіі. Сярод іх распрацоўка праграмнага забеспячэння ў сферы штучнага інтэлекту (нейронавыя сеткі, машыннае навучанне, камп`ютэрны зрок) і дапоўненай рэальнасці — кампаніі "Вонабай", "Камера Фёрст Дэвелапмент", "Каноэ", "Твістэлар" і іншыя; распрацоўка ПЗ у сферы збору, апрацоўкі, аналізу вялікіх аб`ёмаў дадзеных (BigData) — кампаніі "БД Тэхналогіі", "Спіраль Скаўт"; распрацоўка праграмна-апаратных комплексаў у сферы інтэрнэту рэчаў — "Кліка Тэк"; распрацоўка ПЗ у сферы дакладнага земляробства — "УанСоил".

У ПВТ таксама прыйшлі пяць рэзідэнтаў, чыя дзейнасць звязаная не толькі з праграмным, але і апаратным забеспячэннем — "Клэвэтура", ВРТЭК, "Кліка Тэк", "Сірк`ют Інжынірынг Тэхноладжыз", "Софтмакс Сістэмы тэлеметрыі".

Многія новыя рэзідэнты арыентаваныя не толькі на экспарт, але і працу на ўнутраным беларускім рынку — "ВайсВеб", "Інтэрмех", "Сэрвіс-партнёр", "Софтмакс Сістэмы Тэлеметрыі".

Большасць з прынятых 13 сакавіка ў ПВТ кампаній (54%) створаная з удзелам замежных інвестыцый.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты

Праекты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН