Беларуская інфармацыйная кампанія
Адрас старонкі: https://by.belapan.by/archive/2018/03/14/946833_946834/
Дата раздрукоўкі: 22.06.2018 08:35
14.03.2018 13:17 Эканоміка, Фінансы

Беларускі рубель знізіўся да трох асноўных валют на біржавых таргах

Мінск, 14 сакавіка. 14 сакавіка на таргах Беларускай валютна-фондавай біржы беларускі рубель знізіўся да долара ЗША, расійскага рубля і еўра.

Па выніках таргоў курс еўра вырас на 0,0109 рубля (0,45%) і склаў 2,4241 рубля.

Курс долара ЗША вырас на 0,0004 рубля (0,02%) і склаў 1,9589 рубля.

Курс расійскага рубля вырас на 0,0012 рубля (0,03%) і склаў 3,4422 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта маркі Brent таннее на 0,2% з пачатку дня пасля падзення напярэдадні, справакаванага пашырэннем сланцавай здабычы ў ЗША. Бараль ацэньваецца ў 64,51 долара.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 серады вырас на 0,13 капейкі, склаўшы 56,9372 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты

Праекты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН