Беларуская інфармацыйная кампанія
Адрас старонкі: https://by.belapan.by/archive/2018/05/31/958617_958618/
Дата раздрукоўкі: 03.06.2020 03:54
31.05.2018 14:04 Эканоміка, Фінансы

Долар ЗША патаннеў больш як на капейку

Мінск, 31 мая. 31 мая на таргах Беларускай валютна-фондавай біржы беларускі рубель вырас да долара ЗША, знізіўся — да еўра і расійскага рубля.

Паводле вынікаў таргоў курс еўра вырас на 0,0096 рубля (0,41%) і склаў 2,3538 рубля.

Курс долара ЗША знізіўся на 0,0102 рубля (0,50%) да 2,0123 рубля.

Курс расійскага рубля вырас на 0,0091 рубля (0,28%) і склаў 3,2422 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, які значна залежыць ад цэн на нафту. Пасля ўчарашняга падаражання на 3,2% ф'ючарсы на нафту маркі Brent сёння таргуюцца ў слабым мінусе, блізу 77,50 долара за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, на 11.30 знізіўся на 57,49 капейкі і склаў 62,0188 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239