Беларуская інфармацыйная кампанія
Адрас старонкі: https://by.belapan.by/archive/2018/07/11/964368_964369/
Дата раздрукоўкі: 23.07.2018 14:36
11.07.2018 13:35 Эканоміка, Фінансы

На біржавых таргах беларускі рубель умацаваўся да долара і еўра, аслабеў — да расійскага рубля

Мінск, 11 ліпеня. На таргах Беларускай валютна-фондавай біржы 11 ліпеня беларускі рубель умацаваўся да долара і еўра, аслабеў — да расійскага рубля.

Па выніках таргоў курс еўра знізіўся на 0,0076 рубля (0,33%) і склаў 2,3082 рубля.

Курс долара знізіўся на 0,0041 рубля (0,21%) да 1,9693.

Курс расійскага рубля вырас на 0,0099 рубля (0,31%) і склаў 3,1688 беларускага рубля за 100 расійскіх.

У курсаўтварэнні Нацыянальны банк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Раніцай 11 ліпеня ф'ючарсы на паўночнаморскую сумесь Brent апусціліся на 0,71% да 78,30 долара за бараль. Ф'ючарсныя кантракты на нафту WTI таргаваліся паблізу 73,67 долара за бараль, што на 0,59% ніжэй за папярэдняе закрыццё.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, 11 ліпеня знізіўся на 34,62 капейкі і склаў 62,098 рубля.
Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН