Беларуская інфармацыйная кампанія
Адрас старонкі: https://by.belapan.by/archive/2018/09/20/973624_123456/
Дата раздрукоўкі: 02.12.2020 22:04
20.09.2018 21:22 Культура

Лаўрэатам паэтычнай прэміі імя Наталлі Арсенневай стаў Алесь Разанаў

Мінск, 20 верасня. Лаўрэатам паэтычнай прэміі імя Наталлі Арсенневай — 2018 стаў Алесь Разанаў з кнігай "Перавыбранае" ("Выдавецтва Змітра Коласа", Мінск). Пераможца быў абвешчаны 20 верасня на цырымоніі ў мінскай кавярні "Грай".

Акрамя Разанава ў гэтым годзе на перамогу прэтэндавалі:

Антон Францішак Брыль ( "Цмачанка". Выдавецтва "Янушкевіч", Мінск);

Вальжына Морт ( "Эпідэмія ружаў". Выдавецтва "Логвінаў", Вільня);

Валянціна Аксак ( "Завінены рай". Выдавецтва "Галіяфы", Мінск);

Вольга Гапеева ( "Граматыка снегу". Выдавецтва "Галіяфы", Мінск);

Ігар Кулікоў ( "Валадар загадак". Выдавецтва "Медысонт", Мінск);

Іна Снарская ( "Вогнепаклонніца". Выдавецтва "Кнігазбор", Мінск);

Міхаіл Рубін ( "пераклад з Іншага". "Выдавецкі рашэння" па ліцэнзіі Ridero);

Усевалад Сцебурака ( "Сны дарог". Выдавецтва "Медысонт", Мінск).

У склад журы прэміі Арсенневай сёлета ўвайшлі паэт і перакладчык Андрэй Хадановіч, літаратуразнаўца і пісьменніца Вольга Іпатава, паэт і выдавец Дзмітрый Строцаў, паэтэса і перакладчыца Марыя Мартысевіч, паэтэса Наста Кудасава.

Па ўмовах конкурсу члены журы не мелі права галасаваць за кнігі, рэдактарамі якіх яны былі.

Прэмія заснавана ў 2017 годзе ў гонар беларускай паэтэсы Наталлі Арсенневай (1903—1997). Яна ўручаецца за лепшую паэтычную кнігу на беларускай мове, выдадзеную ў папярэднім годзе. Арганізатары прэміі — Беларускі ПЭН-цэнтр, Саюз беларускіх пісьменнікаў і "Згуртаванне беларусаў свету "Бацькаўшчына". Узнагарода ўручаецца пры падтрымцы Фонду культуры і адукацыі Орса-Рамана і Харытатыўнага фонду" Згуртавання беларусаў Вялікай Брытаніі ".

Першым лаўрэатам прэміі імя Арсенневай стаў Уладзімір Някляеў за зборнік "Толькі вершы".

У пачатку цырымоніі прысутныя ўшанавалі памяць заснавальніка інфармацыйнай кампаніі БелаПАН Алеся Ліпая, які раптоўна памёр 23 жніўня ў Мінску на 53-м годзе жыцця. Яго кніга "Абдымкі" сёлета намінавалася на прэмію. На мерапрыемстве прагучалі вершы Алеся Ліпая.
БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239