Беларуская інфармацыйная кампанія
Адрас старонкі: https://by.belapan.by/archive/2018/11/19/981627_225588/
Дата раздрукоўкі: 28.05.2020 14:18
19.11.2018 13:20 Эканоміка, Фінансы

Еўра падаражэў амаль на капейку, долар і расійскі рубель патаннелі на першых таргах тыдня

Мінск, 19 лістапада. 19 лістапада на таргах Беларускай валютна-фондавай біржы беларускі рубель умацаваўся да долара ЗША і расійскага рубля, аслабеў — да еўра.

Паводле вынікаў таргоў курс еўра вырас на 0,0091 рубля (0,38%) і склаў 2,4041 рубля.

Курс долара ЗША знізіўся на 0,0044 рубля (0,21%) да 2,1058 рубля.

Курс расійскага рубля зменшыўся на 0,0026 рубля (0,08%) і склаў 3,1947 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. Цэны на нафту выраслі ў панядзелак, блізу поўдня бараль маркі Brent таргаваўся на ўзроўні 67 долараў ЗША.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, на 11.30 вырас на 0,0150 рубля і склаў 66,0081 рубля.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239