У Беларусі выраслі грашовыя нормы расходаў на харчаванне для некаторых катэгорый навучэнцаў

Мінск, 3 снежня. Пастановай урада ад 30 лістапада 2018 года № 863 з 1 снежня павялічаныя грашовыя нормы расходаў на харчаванне асобных катэгорый навучэнцаў ва ўстановах адукацыi, паведамляе прэс-служба ўрада.

Адпаведныя змяненні ўнесеныя ў пастанову Саўміна ад 27 красавіка 2013 года № 317 "Аб нормах харчавання і грашовых нормах расходаў на харчаванне навучэнцаў, а таксама ўдзельнікаў адукацыйных мерапрыемстваў з ліку асоб, якія навучаюцца ва ўстановах адукацыі".

У прыватнасці, на 10% павялічаныя грашовыя нормы расходаў на харчаванне ва ўстановах дашкольнай адукацыі, цэнтрах карэкцыйна-развіццёвага навучання і рэабілітацыі для дзяцей з працягласцю знаходжання (трохразовае і чатырохразовае харчаванне), у агульнаадукацыйных установах адукацыі, дзе арганізаванае трох-, чатырох-, пяціразовае харчаванне (у гімназіях-інтэрнатах, санаторных школах-інтэрнатах для дзяцей ва ўзросце 6—10 гадоў і 11—13 гадоў, спецыяльных агульнаадукацыйных школах-інтэрнатах і дапаможных школах-інтэрнатах для дзяцей ва ўзросце 6—10 гадоў), а таксама на харчаванне ўдзельнікаў адукацыйных мерапрыемстваў з ліку навучэнцаў устаноў адукацыі.

На 7—8% павялічаныя грашовыя нормы расходаў на харчаванне ў школах, гімназіях, ліцэях з працягласцю знаходжання 9—10,5 гадзіны (трохразовае харчаванне) для дзяцей ва ўзросце 6—10 гадоў, санаторных школах-інтэрнатах (пяціразовае харчаванне) для дзяцей ва ўзросце 14—17 гадоў, спецыяльных агульнаадукацыйных школах-інтэрнатах і дапаможных школах-інтэрнатах (чатырохразовае харчаванне) для дзяцей ва ўзросце 11—13 гадоў, на 6% — для тых, хто навучаецца на ўзроўні прафесійна-тэхнічнай адукацыі і атрымлівае трохразовае харчаванне.