Беларуская інфармацыйная кампанія
Адрас старонкі: https://by.belapan.by/archive/2018/12/05/983909_12345/
Дата раздрукоўкі: 29.09.2020 09:55
05.12.2018 17:48 Эканоміка, Палітыка

Намеснік кіраўніка МЗС Дапкюнас на адкрыцці выставы Vietnam EXPO падкрэсліў прыярытэтнасць В'етнама як партнёра Беларусі ў Паўднёва-Усходняй Азіі

Мінск, 5 снежня. Намеснік міністра замежных спраў Андрэй Дапкюнас 5 снежня ўзяў удзел ва ўрачыстай цырымоніі адкрыцця 16-й гандлёвай выставы Vietnam EXPO (Хашымін, В'етнам) у якасці кіраўніка дэлегацыі краіны — эксклюзіўнага ганаровага госця выставы.

Як паведамляе прэс-служба МЗС, у сваім выступленні намеснік міністра адзначыў, што ганаровы статус нацыянальнай экспазіцыі Беларусі на выставе абумоўлены высокім узроўнем беларуска-в'етнамскага партнёрства і ўзаемадзеяння. Дапкюнас таксама падкрэсліў прыярытэтнасць В'етнама як ключавога партнёра Беларусі ў Паўднёва-Усходняй Азіі.

У нацыянальнай экспазіцыі бяруць удзел больш за 50 буйных беларускіх прадпрыемстваў, стэнды якіх займаюць 325 кв. м закрытай плошчы выставы. Пры фарміраванні нацыянальнай экспазіцыі акцэнт быў зроблены на навукаёмістую, складанатэхнічных прадукцыю, а таксама тавары сельскагаспадарчай групы і прадукты харчавання.

Дапкюнас азнаёміў в'етнамскіх партнёраў з прадстаўленымі на выставе перадавымі ўзорамі беларускай экспартнай прадукцыі, тэхналогій і паслуг.

У той жа дзень адбылася сустрэча намесніка міністра замежных спраў з кіраўнікамі вядучых в'етнамскіх кампаній — выпускнікамі беларускіх ВНУ. Дасягнутыя дамоўленасці аб сумесных намаганнях па пашырэнні двухбаковага супрацоўніцтва ў сферы адукацыі, навукі, турызму, інвестыцый, гандлю.

Тэматыка павелічэння паставак трактарнай тэхнікі ў В'етнам і краіны рэгіёна абмяркоўвалася падчас сустрэчы Дапкюнаса з кіраўніцтвам кампаніі "Меконг Машынэры". Намеснік кіраўніка МЗС адзначыў важнасць распрацоўкі аптымальнай і найбольш эфектыўнай схемы прасоўвання беларускай сельскагаспадарчай тэхнікі ў Паўднёва-Усходняй Азіі і падкрэсліў патэнцыйную перспектыўнасць і запатрабаванасць у рэгіёне новай мадэлі малагабарытнага трактара, што вырабляецца ў Беларусі.

Намеснік міністра таксама правёў сустрэчу з намеснікам старшыні Народнага камітэта Хашыміна Ле Тхань Ліемам, на якой абмяркоўвалася арганізацыя паставак беларускай грузавой і камунальнай тэхнікі ў Хашымін, а таксама магчымы ўклад беларускіх суб'ектаў гаспадарання ў развіццё транспартнай інфраструктуры найбуйнейшага эканамічнага цэнтра В'етнама.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239