Беларуская інфармацыйная кампанія
Адрас старонкі: https://by.belapan.by/archive/2018/12/06/984060_12345/
Дата раздрукоўкі: 19.12.2018 14:06
06.12.2018 16:46 Палітыка, Эканоміка

Лукашэнка: Беларусь гатова да паўнавартаснага ўдзелу ў рэалізацыі праектных ініцыятыў ЕАЭС у лічбавай сферы

Мінск, 6 снежня. Беларусь гатова да паўнавартаснага ўдзелу ў рэалізацыі праектных ініцыятыў ЕАЭС у лічбавай сферы, заявіў Аляксандр Лукашэнка 6 снежня ў Санкт-Пецярбургу на пасяджэнні Вышэйшага Еўразійскага эканамічнага савета. Сюжэт з выступамі кіраўнікоў дзяржаў размешчаны на відэасэрвісе Youtube.

"Ад таго, наколькі зладжана мы зможам аб'ядноўваць патэнцыял нашых дзяржаў праз лічбавыя рашэнні, будзе залежаць эфектыўнасць інтэграцыі і ў цэлым будучыня саюза", — сказаў Лукашэнка.

Паводле яго слоў, у першую чаргу гаворка ідзе аб лічбавым гандлі і кааперацыі, электроннай лагістыцы, фарміраванні лічбавых транспартных калідораў, развіцці дакладных тэхналогій у сельскай гаспадарцы і прамысловасці.

"Мы ў Беларусі займаемся лічбаваннем вельмі даўно, ужо другі дзясятак гадоў. Зыходзячы з нашага вопыту, павінен сказаць: цяпер модна казаць пра лічбаванне, развіццё IT. Гэта вельмі важны напрамак, гэта значна актывізуе вытворчасць, скарачае сабекошт. Але гэта, напэўна , 20-25% сённяшняга дня і, напэўна, доўга так будзе. А 70-75% — гэта тая традыцыйная эканоміка, якая нас сёння корміць. Таму не трэба забываць і пра гэта", — падкрэсліў Лукашэнка.

Ён таксама адзначыў, што ў парадак дня цяперашняга саміту ЕАЭС таксама было ўнесенае пытанне аб развіцці кааперацыі ў сферы аказання касмічных і геаінфармацыйных паслуг на аснове нацыянальных крыніц даных дыстанцыйнага зандзіравання Зямлі.

"Перакананы, што рэалізацыя гэтай ініцыятывы з улікам яе высокага мультыплікатыўны эфект на развіццё сумежных галін і сектараў надасць магутны імпульс нашаму інавацыйнаму і прамысловым супрацоўніцтву", — сказаў Лукашэнка.
Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2018 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН