Беларуская інфармацыйная кампанія
Адрас старонкі: https://by.belapan.by/archive/2018/12/14/985179_789654/
Дата раздрукоўкі: 25.06.2019 17:34
14.12.2018 20:39 Палітыка, Грамадства

Лукашэнка: Я ідэальнай будучыні Беларусі не бачу

Мінск, 14 снежня. Аляксандр Лукашэнка на сустрэчы з расійскімі журналістамі 14 снежня ў Мінску адказаў на пытанне, якім ён бачыць ідэальную будучыню Беларусі.

"Я ідэальнай будучыні Беларусі не бачу. Нават расійскі прэзідэнт не здолее ўбачыць ідэальную будучыню Расіі. У Расіі магчымасці велізарныя. А ў мяне ідэальная ў Беларусі... Нават не ў мяне, а ў нашай Беларусі ідэальнай будучыні ніколі не будзе. Таму што ідэальнага не бывае наогул. Нават у ЗША — паглядзіце, што робіцца, нямала праблем", — цытуе Лукашэнку яго прэс-служба.

Ён звярнуў увагу на тое, як развіваецца свет, што таксама ўплывае на перспектыву дасягнення чагосьці ідэальнага ў жыцці краіны. "Для Беларусі, якая знаходзіцца на скрыжаванні ўсіх шляхоў... У нас ніколі не было ідэальнага, калі паглядзець у гісторыю, і не будзе. І ў Расіі не будзе. Таму што місія ў Расіі вялікая", — сказаў кіраўнік дзяржавы.

Адказваючы на пытанне, якую найлепшую будучыню з магчымых бачыць для краіны кіраўнік дзяржавы, Лукашэнка сказаў: "Я заўсёды кажу па-простаму: галоўнае, каб не жыць ва ўмовах вайны. Вось вайна не патрэбная — ні нам, ні вам. А ўсё астатняе мы самі зробім. Што не зробім — купім".

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН